وصفة لشد الجسم من الترهلات

بنات قبل فترة راسلت احد خبيرات التجميل في أحدى المنتديات اسمها أم تارة على الخاص عشان تعطيني وصفة لشد الجسم
المهم أعطتني وصفة تقول أنها ماخذتها من منتدى فارسي وماشيه عليها 4 شهور وجسمها مشدود كأنها بنت وتستخدمها يوم بعد يوم لكن أنا أستخدمتها بشكل يومي عشان تظهر النتيجة بسرعة أنا كان وزني بحملي الأول 103 وبعد الولادة صرت انحف فيه الين رجع 77 وبعد اربع اشهر من ولادتي حملت مره ثانية وطلع وزني 100
تقريبا وبعد الولادة رجعت انزل ثاني المهم لي سنتين وأنا انحف حتى وصلت 73 وماتمت فرحتي اتحطمت من اللي حولي وهم قاعدين يقولون جسمك مترهل مره كأنك عجوزه لو قعدتي سمينة احسن بالذات الترهل واضح اكثر من عند الاكتاف فاتحطمت وصرت ماخذه راحتي في الآكل الين صرت 79 وبعدين زوجي جنني ارجع انحف مايحبني سمين ورجعت أعمل رجيمات ووصل وزني 77بس كنت خايفه من الترهلات توضح مره ثانية المهم الله يجزاها الف خير أم تارة أعطتني وصفة رهيبه وماصار لي فيها الا اسبوعين الا وبانت النتيجة ولاحظت أختي لما زارتني واهي من مدينة ثانية ان كتوفي واضح انها مشدودة افضل من اول وقالت لي وش السر وخبرتها وأنا انبسطت أنها لاحظت الفرق بدون ماأقول لها المهم استمريت عليها 4 اشهر والله يابنات جسمي انشد وراحت الترهلات وهالحين وزني 73 وبدون خجل من الترهلات وحتى تشققات الحمل خفت وبعدي مستمرة عليها لان بنزل ل65طولت عليكم أنا راح اقول لكم الوصفة وادعو لأم تارة
وعلى فكرة اكتب لكم وأنا حاطه الخلطة لان من جد اتحمست لها بعد النتيجة
المقادير
خل تفاح طبيعي
زيت سدر
زيت لوز مر
زيت حبة البركة
وزيت جنين القمح
تخلطينهم بمقادير متساوية أما بفنجان أو كوب وأنا أفضل بكوب لن عملت بالفنجان وخلصت في اسبوعين وعدت الخلطة مره ثانية
ولاتنسون تدعون لي أنا بعد والله العظيم يابنات تشوفون الفرق خلال أسبوعين وباستخدام يومي وتنزلون اوزانكم بدون خوف وتخلونها على جسمكم من أربع الا ست ساعات استغلو فترة غياب أزواجكم وحتى لوكانوا فيه ادهنوا فيها العصر والبسوا البجامه واتعطرو ريحتها مو مره قويه وفي العشاء استحموا اتمنى أفدتكم