بس ..يكفي جروح!!..

من طرف **عاشق ارسنال** الأحد أبريل 12, 2009 7:36 pm

يـا زمانـي كيـف أبحيـا والهنـا مـا طـقّ بابـك
كم كذبت وقلت باقي فيـك حـب وبعـض طيـب !

يلمحـون الـهـمّ والأحـزان فـي قاصـي جنابـك
ويسألوني كيف حالي وانحرق يـا كيـف أجيـب ..!

ما دروا بان الفروح أغصان ماتـت فـي ترابـك ..
والطيـور اللـي تغـرد حالهـا أمسـى كئيـب ..!

جيت أبحكـي عـن سواليـفٍ بكـت داخـل كتابـك
ما لقيت الصوت حيّ / مات في صمـت النحيـب !

كم بغيـت أشـرب قـراح ومالقيـت إلا سرابـك ..
يبعـث اليـاس بـظمـاي و يسـرق المـا للمغيـب

كم تباطيت النهار وطحـت فـي لجّـة عذابـك .. !
من بعد ذبلت جفوني .. ضاع فـالوقـت النصيـب !

شف جروحي من بعد مـا غـاب فينـي حـدّ نابـك
ضاع كفـي فـي كتابـي والدمـوع أوفـى قريـب

صرختي ذبلت وماتت .. وانتهت بي حلم (شـاب"ك")
ينتظر ميلاد فجرٍ .. في وطـن أصبـح ( غريـب )!

آه يـا فجـرٍ سقيـمٍ .. مـا تدفّيـنـي ثيـابـك .. !
ولا يقدّيني سناك لـدرب ( مخنوق ) و " ُمريـب " !

غيب / إبعد قبل لا يسأل ظلامي ( ويش جابك ؟! ) ..
يكفي جروحٍ تغذّت من عنـا وقـتٍ عصيييـب ..!! .